Sa Natzionale Sarda preparat su campionadu europeu Conifa

Read Time:2 Minute, 27 Second

Isperiu nou pro sa Natzionale Sarda. Sa cumpantzia guidada dae Mastru Pusceddu at a leare logu, in su campionadu Europeu Conifa, chi si giogat in Cipro de su Nord dae su tres a s’undighi de Lampadas.

S’abboju, de importu mannu pro su progetu sinnadu FINS – Federatzione Isport Natzionale Sardu – accudit fatu a sa galana esperientzia in terra siciliana, in sa prima proa de s’Antudo Cup.

Su direttivu FINS est tribagliende in meritu a s’organitzascione, paris cun su Board de Conifa. In su tempus bennidore amus a narrere, cantu est’istadu detzisu.

S’EUROPEU – In sos meses colados, su cumandu Conifa, guidadu dae su Presidente Alberto Rischio, est tuccadu a su nord de Cipro, inue ant abbojadu chie rappesentat su guvernu, pro bidere

Umpare su logu e arrejonare de s’organitzascione. A s’Europeu Conifa at a essere donadu unu palcu de altu livellu: sa finale àgatat logu in Ataturk, in sa capitale Lefkosa: campu de sa capitale, de importu mannu internatzionale, cun 20.000 postos a si sère. Ateros campos impitados ant a essere Gazimagusa (Famagosta), Iskele, Lefke, Guzelyurt e Girne (Kyrenia ).

SAS NATZIONALES IN CAMPU – Pro como, aderint a s’Europeu 2023, sas natzionales de Ossezia de su Sud, Carpazia, Abkhazia, Padania, Cornwall, Szkeli Land, Sapmi, Sicilia, Raetia, Due Sicilie e sos meres de domo de Nord Cipro.

CONIFA – Acronimu de Confederation of Indipendent football associations, Conifa est un assotziu no-profit, chi ajuat sa fubbal praticada dae natziones chena istadu, nazione “de facto”, regiones istoricas, minorantzas e pessonas chi vivent attesu, in terra isoladas. Fraigada su sette de Lampadas 2013, s’annu in fatu ant giogadu in Svezia a Ostersund, sa prima coppa de su mundu. FINS – Federatzione Isport Natzionale Sardu, adeghet a s’assotziu in su 2018 e partecipat cust’annu pro sa prima orta in d’unu contivitzu CONIFA.

S’ISTADU ORGANITZADORE – Cipro de su Nord s’est nominadu istadu in su 1983 e cumprendet totu su cabu ‘e subra de s’isola de Cipro. Sa capitale est Lefkosa (Nicosia Nord ) e contat 286.000 pessonas.

Sa prima limba est su turcu e s’inari impitadu est sa lira turca. Sa Cyprus Turkish Football Federation, naschet in su 1955, cando s’isola fit galu britannica, e organitzat su campionadu de su logu, sa Birinci Super Lig, binchida s’urtima orta dae Magusa Turk Guku de Famagosta. Sa nazionale at giogadu sa prima gara in su 1962 contr’a sa Turchia e tenet parte in Conifa dae su 2013.

SOS CUMMENTOS – Sos annos colant innanti e sa natzionale creschet semper pius in sa chirca de metzoru – narat sa Presidente Stefania Campus – sa partecipatzione a s’Europeu Conifa donat importu mannu a su progetu nostru. Semus trabagliende pro ajuare sa creschida de s’isola e metzorare donzi die su sentidu pro sa terra nostra. Nos auguramus tando chi s’impresa e sas istitutziones fatant sa parte issoro”.